Diagnose

Para realizar unha diagnose integral da situación territorial da Área Funcional do Val Miñor, trátase como unha área temática diferenciada cada un dos dez obxectivos estratéxicos da Axenda Urbana Española. Cada unha destas áreas analízase cuantitativa e cualitativamente.

  • Os datos e indicadores máis relevantes para cada ámbito investíganse cuantitativamente e extráense de fontes estatísticas oficiais e información descritiva da Axenda Urbana Española.
  • Como parte da análise cualitativa empréganse os instrumentos de planificación estratéxica xeral e sectorial que afectan á rexión.

 

Ademais, esta información completarase con sesións participativas. A estas sesións asisten equipos gobernamentais e técnicos dos municipios da Área Funcional e da Deputación de Pontevedra pero tamén entidades de carácter social, medioambiental e económico con influencia neste ámbito.

O obxectivo final desta análise e diagnose é identificar as principais cuestións, retos e áreas de mellora ás que se enfronta a Área Funcional do Val Miñor, co obxectivo de promover unha maior sustentabilidade, resiliencia e integración.

Descarga a diagnose completa (.pdf)
  1. Diversificación e reequilibrio desde o punto de vista económico e social para conseguir un territorio máis sostible e resiliente.
  2. Planificación conxunta e desenvolvemento dunha Infraestrutura Verde e Azul que recupere ambientalmente e potencie os valores naturais do territorio.
  1. Actualización e revisión do plan xeral para dotar de ferramentas de xestión e seguridade xurídica ao ámbito, integrando unha visión integrada da área funcional.
  2. Reforzar a continuidade e centralidade (a través da densificación de usos residentes) no arco litoral e o seu transversal a Gondomar.
  3. Recualificar os espazos libres dos ámbitos con densidades medias para a configuración de espazos de maior calidade urbana.
  4. Fomentar os usos e tipoloxías construtivas conducentes á fixación de poboación estable fronte a modelos de uso turístico e vacacional.
  1. Desenvolvemento de instrumentos de planificación municipal coordinados e/o conxuntos ante o risco de secas, de incendios e de inundacións. Reforzo dos órganos de protección civil que permiten dar reposta ás situacións de emerxencia derivadas dos riscos naturais.
  2. Promover de forma conxunta e coas comunidades de MVMC a xestión e aproveitamento dos recursos forestais para a produción de materias primas (madeira) e a xeración de enerxía (comunidades enerxéticas), reducindo tamén así o risco de incendios.
  3. Establecer a demanda de recursos hídricos a nivel do Val Miñor (incluída a vertente miñoriana de Vigo), e realizar unha xestión a auga a nivel supramunicipal a través de acordos e convenios que garantan a subministración do conxunto durante épocas de seca…
  1. Fomentar a aparición de comunidades enerxéticas e modelos de xeración colectiva, apoiándose nas estruturas sociais existentes, como as de mancomunidades de regadores, monte en mancomún…
  2. Favorecer a fixación de empregos a través da xestión do territorio (espazos forestais, augas…), reducindo así a dependencia funcional que este territorio ten de Vigo e avanzando na xeración de economías circulares.
  3. Promover políticas comúns orientadas á xestión da biomasa forestal (restos de podas) para o seu aproveitamento enerxético, xerando oportunidades de desenvolvemento económico dentro do campo da economía circular e as enerxías renovables, reducindo ademais a rega de incendios forestais.
  1. Incorporación das mobilidades brandas como alternativa efectiva para as mobilidades de lecer e compras (especialmente en período estival), e como sistema de ligazón modal co transporte colectivo. Aproveitamento dos eixos de infraestrutura verde e azul como articuladores dos desprazamentos.
  2. Deseño e desenvolvemento dunha estratexia integral de transporte colectivo auspiciado baixo a Mancomunidade do Val Miñor que incorpore a competencia de transporte intermunicipal, baseado nun modelo mixto regular a demanda que ligazón coas redes de transporte público da área metropolitana, implementando apps tanto para información e xestión do transporte colectivo e baixo demanda, como para modelos de coche compartido como lanzadeira ou transporte destino-orixe.
  3. Integración de Gondomar na área de Transporte Metropolitano de Vigo.
  4. Xerarquización e especialización viaria, tanto para a mellora dos fluxos rodados como para o fomento das mobilidades brandas, a seguridade viaria e a calidade urbana.
  5. Formulación integral dunha estratexia de mobilidade estacional, integrando redes de transporte colectivos de escala local e xeral, sistemas de aparcamento e mesmo reformulación da rede viaria (en canto ás súas direccións e usos) en función da época do ano.
  1. Fortalecemento do tecido produtivo para ampliar a base de residentes en idades produtivas e reprodutivas, aproveitando o contexto expansivo da actividade económica na área, transformando vinculados non residente en moradores, facilitando tamén así o redimensionado das estruturas de servizo público.
  2. Aumento da mixicidad social, favorecendo a inclusión de rendas medias nos contextos de máis desigualdade interna, apoiándose entre outras ferramentas, nas formas de crecemento urbano.
  3. Avance decidido na igualdade de xénero, con plans de igualdade pormenorizados e con soporte económico para a súa implementación.
  1. Explotación sostible e desestacionalización do turismo e transformación dos residentes a tempo parcial en permanentes, permitindo aumento de ingresos municipais e favorecendo a mellora dos servizos.
  2. Potenciación da relación coa Universidade de Vigo e a Zona Franca para a expansión da actividade e fixación de poboación.
  3. Reducir o impacto do turismo praia a través da diversificación de actividades, potenciando os valores paisaxísticos e de natureza para redistribuír mellor visitantes e por tanto, volume de negocio.
  4. Potencial o sector primario, con valores de calidade e proximidade, aproveitando a proximidade de grandes puntos de consumo con presenza de rendas medias e altas, como Vigo e Pontevedra.
  1. Implementar na área unha xestión activa das VUT e as vivendas de uso esporádico, regulando a súa creación, fiscalizando o seu desenvolvemento e fomentando a súa incorporación ao mercado de alugueiro para residencia habitual, aumentando así a escasa oferta de vivenda existente na área.
  2. Favorecer os procesos de densificación das centralidades urbanas, garantindo a complexidade das mesmas e potenciando a creación e sostemento de estrutura de servizo de proximidade, limitando a dependencia de Vigo e aumentando o atractivo residencial de área, operando coordinadamente tanto desde a xestión do chan como desde a estruturación conxunta da oferta dotacional.
  3. Aproveitar o contexto actual para a rehabilitación (especialmente a nivel enerxético) do parque de vivenda, adaptándoo aos estándares actuais e favorecendo a proliferación da vivenda principal, en especial en área centrais e de valor patrimonial, por exemplo, coa delimitación dunha Área Rexurbe en centro histórico de Baiona, no marco da adaptación galega do Plan Estatal de Vivenda.

D.1 Redución da fenda dixital:

  1. A través de formación e apoio aos non nativos dixitais, supresión das zonas grises de alto impacto e garantindo alternativas non dixitais para os procesos que impliquen a persoas en risco de exclusión dixital.

D.2 Implementación de sistemas SMART de recollida e xestión de datos:

  1. Integración de datos en sistemas OPEN DATA Xeolocalizados que permitan a automatización, melloren a toma de decisións e fomenten unha comunicación informada cos administrados.

D.3 Fomento do sector produtivo de base TIC:

  1. A través da relación coa Universidade e os polos industriais deseñaranse estratexias que permitan engrosar o peso do tecido económico nun sector estratéxico no curto e medio prazo.
  2. Establecemento de plataformas de comunicación conxuntas, portais únicos, que faciliten a comunicación dos administrados e iguais as posibilidades de relación coa administración en todo o territorio, especialmente en Baiona.
  1. Actualización de datos para avaliación de transparencia mediante índice DYNTRA.
  2. Necesidade de establecer novos eixos temáticos, suxerindo áreas como mobilidade (cun forte impacto e definición no municipio), acción climática, economía circular, inclusión social, ou políticas de xénero, en materia de ordenanzas municipais; de maneira que se permita agrupar diferentes regulacións, garantindo a coherencia normativa, a capacidade de actualización, así como a adaptación aos cambios lexislativos e a fácil introdución de novas perspectivas nos municipios e moi especialmente, en conxunto da área funcional.
  3. Recolección e posta ao dispor da cidadanía de datos abertos do municipio para o fomento da información e a participación.
  4. Fortalecemento da Mancomunidade como espazo de gobernanza e administración colectiva.